Өзбекстан астанасындағы зауыт құрылыс материалдарын, оның ішінде шатыр жабындарын, сэндвич-панельдер мен шыны бұйымдарын шығарады. Бұл Өзбекстандағы Хабибула Абдуқадырдың өзі ресми түрде басқаратын санаулы активтің бірі.
Зауыт құрылысы 2018 жылдың ортасында басталған. Бір жылдан соң аздаған өндіріспен жұмыс істей бастады. Ташкент әкімшілігінің бұйрығымен құрылыс материалдарын өндіруде Өзбекстан өзін-өзі қамтамасыз ете алатыны туралы видео түсірілген: бейнероликте Metalltech зауыты мысал ретінде көрсетіледі. Зауыт сайтында «бұл құрылыс техникасын шығаруға маманданған Өзбекстандағы ең ірі компания» делінген.
Қазақстанның Шымкент қаласында екі үлкен тұрғынүй кешенін салған Абдуқадырлардың House Develop компаниясына зауыт құрылыс материалдарын жеткізгенін кеден деректері көрсетеді.
- Metalltech Construction-ның 71 пайыз акциясына Хабибула Палван деген атпен Хабибула Абдуқадыр иелік етеді. Қалған 29 пайыз акция Urumqi Kailingda International Trade Co (Қытай) компаниясына тиесілі.
- Urumqi Kailingda International Trade-тің 99,9 пайыз акциясына Хабибула Абдуқадырдың бауыры Маймаитили Хадир иелік етеді.
- Зауыт салынған жер China компаниясының Өзбекстан бөлімшесіне тиесілі (тіркелген жері белгісіз).
- China болса Xinjiang Bortala Brave Industrial Trade Co.-ға (Қытай) тиесілі.
- Xinjiang Bortala Brave Industrial Trade Co. компаниясы Хабибула Абдуқадырдың бауырлары Наби Хадир мен Маймаитили Хадирге тиесілі.
- China болса Xinjiang Bortala Brave Industrial Trade Co.-ға (Қытай) тиесілі.
